ആറാം പിരീഡ്
കണക്ക് പിരീഡ്.......!
മാര്ജിനിനപ്പുറം
കടക്കാതെ നോക്കണം......
നീളവും വീതിയും തുല്യമാക്കി
ജീവിതം സമചതുരമെന്നുറപ്പിക്കണം......!
ബാര്ഡയഗ്രം വരച്ച്
എക്സറ്റത്തു നിന്നു നോക്കിയാല്
വൈ അറ്റത്തു ലോകവസാനം
കാണണം
വൃത്തം വരച്ചാല്
കേന്ദ്ര ബിന്ദുവില് കൈവെച്ച്
പ്രതിജ്ഞയെടുക്കണം
ഇതാണെന്റെ ലോകം-
ഞാന് മാത്രമുള്ള ലോകം
പിരീഡ് കഴിയും മുമ്പേ
ജ്യാമിതി ലോകങ്ങളെല്ലാം
വെട്ടിപ്പിടിക്കണം.....!
ഒരു കാര്യം......!
മാര്ജിനിനപ്പുറം
കടക്കാതെ നോക്കണം......!
No comments:
Post a Comment